Teliti, te premten raporton per kartat e listat

Drejtori i Gjendjes Civile, Armand Teliti, do te jete i pari qe do te pyetet nga Komisioni i Posacem, i ngritur per verifikimin e zbatimit te Kodit Zgjedhor. Ne mbledhjen e pare, te zhvilluar dje, ky Komision i drejtuar nga Ilir Rusmali, vendosi te therrase ne banken e "deshmitareve", drejtorin e Pergjithshem te Gjendjes Civile, Teliti. Sipas konsensusit te arritur, Teliti do te raportoje ne menyre te detajuar mbi procesin e pergatitjes se listave te zgjedhesve. Si po ecen hartimi i listave te sakta te zgjedhesve, dhe si po realizohet procesi i pastrimit te tyre nga dublimet dhe ata zgjedhes qe nuk jetojne me. Kete proces, ligjvenesit e vleresuan si me emergjentin per t'u njohur ne detaje. Teliti do te raportoje diten e premte per kete proces. Axhenda e punes se Komisionit, vijoi me thirrjen per informim te eksperteve te Ministrise se Brendshme. Perfaqesuesit e kesaj Ministrie, do te flasin ne lidhje me procesin e pajisjes me karta identiteti te shtetasve shqiptare qe kane mbushur moshen per votim. Sipas anetareve te Komisionit, perfaqesuesit e Ministrise se Brendshme do te sqarojne dhe se si po ecen procesi i pajisjes me pare me karta, te atyre personave qe nuk kane pasaporte dhe se si eshte bere verifikimi i tyre. Me konsensus anetaret e Komisionit qe drejtohet nga Rusmali dhe per nenkryetar ka socialistin Kastriot Islami, vendosen qe jo vetem te zhvillojne seanca degjimore me perfaqesues te institucioneve qe kane lidhje me procesin zgjedhor, por ato te jene te pranishem ne cdo mbledhje. Nenkryetari Islami tha dje se ky Komision, do te monitoroje hap pas hapi se si do te ecin pergatitjet e zgjedhjeve parlamentare te 28 qershorit, por nuk do te kete asnje pergjegjesi per to. Komisioni ka vetem funksionin e monitorimit te procesit, per te pare nga afer nese po realizohen si duhet, pergatitjet e zgjedhjeve te lira e te ndershme. Informacione te shpeshta do te merren dhe nga Komisioni Qendror i Zgjedhjeve, perfaqesues se te cilit, do te jene te pranishem ne Komision per te dhene versionin e tyre se si po ecen procesi i pergatitjes se zgjedhjeve. Ngritja e nje Komisioni te Posacem ne Kuvend, qe do te merret me monitorimin e pergatitjes se zgjedhjeve parlamentare te 28 qershorit, u kerkua nga Partia Socialiste. Te majtet, u ankuan se procesi i pajisjes me karta identiteti po zvarritet. Nderkohe qe Komisioni, me konsensus ka zgjedhur dhe sekretarin e tij, qe eshte republikani Arian Madhi.

R. Rapushi