Tensioni Kamboxhia-Tajlandë rrezikon historinë

Tensionet, të shoqëruara herë pas here me luftime mes Kamboxhias dhe Tajlandës po rrezikon trashëgiminë arkeologjike që ndodhet në kufi mes këtyre dy vendeve.

Ky është alarmi që jep Organizata e Kombeve të Azisë Jug-lindore, e cila ditën e martë u bëri thirrje të dyja vendeve për t’u ulur në tryezën e bisedimeve për të zgjidhur problemet që kanë.

Në kufirin mes dy vendeve ndodhen disa tempuj mijëra vjecarë, sovranitetin mbi të cilët e pretendojnë si Tajlanda ashtu edhe Kamboxhia. Por kjo mosmarrëveshje po rrezikon vetë ekzistencën e këtyre tempujve pasi nga luftimet mes palëve janë dëmtuar mjaft.