Tërmeti, Akuila goditet sërish në orët e mbrëmjes

Romë - Akuila është goditur sërish mbrëmë nga një tërmet me fuqi 4.9 ballë të shkallës Riter. Instituti kombëtar i Gjeofizikës dhe Vullkanologjisë bën të ditur se tronditjet u ndjenë deri në Romë.

Tërmeti, i cili u regjistrua në orën 23:14, ishte më i fuqishmi pas atij të 6 prillit që goditi Italinë Qendrore. Si pasojë e tërmetit të madh mbetën të vdekur mbi 290 persona, dhe mijëra shtëpi, kisha, dhe institucione të tjera, u rrënuan plotësisht.