Tetraplegjiket: Ne 1 maj greve, nese nuk marrim parate

Para dhe tetraplegjiket kercenojne se do te hyjne serish ne greve urie, nese qeveria nuk zyrtarizon paketen e kerkesave te tyre. Pavaresisht se ka kaluar me shume se nje muaj nga miratimi i tyre nga qeveria, vendimet nuk jane botuar ende ne Fletoren Zyrtare, duke lene ne kete menyre, serish ne pritje para dhe tetraplegjiket. Protesta para Kryeministrise do te jete hapi i pare, dhe nese paketa serish nuk do te hyje ne fuqi, atehere ata paralajmerojne se do te rifuten ne greve urie. "Ne 1 maj kur eshte edhe dita e punetoreve, ne do te protestojme perpara Kryeministrise, nese serish kryeministri nuk i vendos ne Fletoren Zyrtare, atehere ne do te hyjme ne greve urie", shprehen perfaqesuesit e Shoqates se Para dhe Tetraplegjikeve. Ne paketen e kerkuar nga para dhe tetraplegjiket parashikohet rritja e pageses se paketes higjeno-sanitare, rritja e mases se karburantit ne 80 litra ne muaj dhe njohja e vjetersise se punes, per shoqeruesit e tyre dhe rritja e pageses per ta. Greva e pare e urise zgjati 5 dite dhe ajo u nderpre pas takimit te grevisteve me tre ministrat te qeverise Berisha, Bregun, Duron dhe Godon. Ne vendin tone numerohen rreth 4.500 paraplegjike dhe tetraplegjike, te cilet kerkojne mbeshtetje nga institucionet e vendit. Sikurse behet e ditur, rreth 117 mije persona ne vend e perfitojne pagesen e paaftesise. Behet fjale per te verber, para e tetraplegjike, persona te paafte mendore e fizike si dhe invalidet e punes. Ministri Duro, por edhe ministrat e tjere iu premtuan para dhe tetraplegjikeve nje muaj me pare, se do te rivleresohet paaftesia dhe do te behet pagese e diferencuar, sipas shkalles se paaftesise.