"Thelleza u rrembye dhe kercenua nga familja Muco"

Pogradec - Fshati Sllabinje ka percjelle dje per ne banesen e fundit Thelleza Mucon (Sinanin). Te gjithe kane qene te ligeshtuar per fatin e saj. Banoret dhe familjaret reagojne se Thelleza ka qene nje vajze e sjellshme dhe e edukuar. Kryetari i fshatit, Fuat Fero, shprehet se, "e kam pasur nxenese Thellezen. Ajo ishte nje vajze e mrekullueshme". Ndoshta per keto cilesi Mynyr Muco, nga fshati Trebinje, vendosi qe ta kishte gruan e tij me cdo kusht. I ati i vajzes, Nazar Sinani dhe e gjithe familja, nuk ka qene dakord qe vajza te merrte per bashkeshort Mynyr Mucon. Por, nje dite ai e rremben Thellezen dhe e ben gruan e tij. Per te mos i sjelle telashe familjes, Thelleza pranon qe te jete gruaja e Mynyrit. Nga kjo lidhje linden dy femije, nje djale dhe nje vajze. Gjithcka mori te tatepjeten gjate vitit 2002. Policia lokale kishte shkuar per te shoqeruar ne komisariat vellezerit Muco pas kallezimit te kryer nga nje kusheri i tyre per ushtrim dhune. Gjate kohes qe policia po shoqeronte vellezerit Lulzim e Blendi Muco, sulmohet me granate nga Mynyr Muco. Nga plasja e mjetit luftarak mbetet i plagosur polici Berti Kosta, nderkohe qe vete agresori humbet njeren kembe. Thelleza kerkon te shpetoje nga bashkeshorti dhunues. Ajo largohet nga shtepia dhe martohet me nje tjeter. Gjate nje viti nuk pranon te takohet me burrin e saj ne burg, duke i bere te ditur familjes se bashkeshortit se nuk donte te ishte me gruaja e tij. Por ky fakt nuk i ka pelqyer familjes Muco, pjesetaret e se ciles kane shkuar dhe e kane rrembyer naten nga shtrati i burrit te dyte. Madje, sipas te atit te saj, Nazar Sinanit, ata e kane kercenuar se do ta vrisnin, nese do te tentonte te martohej serish. Familja Muco i kane bere te qarte Thellezes se kishte detyrime ndaj burrit ne burg dhe sidomos ndaj dy femijeve te saj. Jashte deshires, Thelleza pranon kushtet e familjes Muco. Por, nderkohe, ajo nuk preferonte te qendronte ne familjen e bashkeshortit. Gjate kesaj kohe ka jetuar ne shtepine e prinderve te saj ne Sllabinje. Mynyr Muco kishte mesuar gjithcka kishte ndodhur jashte hekurave. Ai i kerkon te atit qe te mundesoje me cdo kusht nje takim me gruan e tij. Te aferm te familjes Sinani shprehen se Thelleza nuk ka dashur ta takoje bashkeshortin ne burg, pasi i trembej ndonje pabesie te tij. Ka refuzuar disa here dhe ne menyre te prere. Por Mynyri kishte derguar fjale se ky do te ishte thjesht nje takim mes bashkeshorteve per te miren e femijeve dhe familjes. "Madje, edhe gjate largimit per ne dhomen speciale, Thelleza ka ikur me kembet zvarre dhe me koken prapa", rrefejne familjaret. Kryetari i fshatit, Fuat Fero, tregon se "une kam qene shume here kur ata ishin ne takime dhe nderronin femijet, sepse me kishte urdheruar policia e gjykata qe t'i kishim nen vezhgim. Ndaj shteti duhej te ishte treguar me i kujdesshem". Xhaxhai i saj, Osman Sinani, shprehet se, "shteti duhej ta izolonte Mynyrin, pasi e dinte se cili ishte". Ai apelon qe te merren masa qe te mos perseriten me raste te tilla.

Fatos Salliu