Theri per parkimin, 10 vjet burg kasapit

Fier- Gjykata e Fierit denon kasapin e pandehur per vrasjen e kryer pas sherrit, dy vjet me pare ne Ballsh, per shkak te nje parkimi para dyqanit. Flamur Brakaj do te vuaje 10 vjet izolim per therjen e Sadush Hyskajt, ne muajin mars te vitit 2007. Trupi gjykues i perbere prej gjyqtareve Alfred Komini, Pirro Sota dhe Nafije Curri ka degjuar argumentet e akuzes se perfaqesuar nga prokurori Genci Mane. I pandehuri Brakaj ka qene i mbrojtur prej avokatit Ylli Hasimetaj, ndersa kerkoi meshire ne sallen e gjyqit gjate fjales se fundit ne proces. Trupi gjykues pranoi nje nga kerkesat e te penduarit, i cili pretendoi gjykim te shkurtuar duke pranuar kryerjen e krimit te rende, ne gjendjen qe ishin edhe aktet e organit te akuzes. Prokurori sqaroi se i pandehuri Flamur Brakaj, ne muajin mars te vitit 2007, ka marre me qira kundrejt shumes 10 mije leke ne muaj, nje dyqan qe ndodhej ne lagjen "5 Shkurti" te qytetit te Ballshit, ku dhe tregtonte mish. Me daten 8 mars, rreth ores 10:00, para dyqanit te te pandehurit, D. H. ndalon automjetin e tij tip fugon dhe pas debatit me te, perfshihet ne nje grindje. Ne kete perleshje eshte perfshire edhe viktima Sadush Hyskaj, qe mbeti i vrare me thike. Policia kapi autorin, pas disa oresh kerkime ne qytet. Grindja mes paleve ndodhi per parkimin e mjetit, para dyqanit.

Xh.Beharaj