Thyen rekordin botëror të surfimit mbi turmë

Radio prezantuesi Giel Beelen theu rekordin botëror për surfimin mbi turmë.

DJ holandez kaloi dy orë, tri minuta e 30 sekonda në ajër, duke u mbajtur në duar nga më shumë se 250 ndihmës në Hilversum, derisa shou i tij jepej në radion lokale 3FM.

Duke folur pas kësaj ngjarjeje, Giel tha: “Duket e lehtë, por është shumë e lodhshme. Çdo minutë prisni thyerjen në kurriz ose ndrydhje në kraharor”.

Giel arriti t’i grumbullojë 20 000 funte në këtë ngjarje, të cilat do t’i dhurojë për bamirësi.