Thyhet “qëndresa” e Orban, dorëzohet në Strasburg

Kryeministri i Hungarisë, Viktor Orban, bëri tërheqjen e parë duke u garantuar europarlamentareve në Strasburg, se konflikti me Bashkimin Europian do të zgjidhet me shpejtësi.

Deklarata e tij vjen një ditë pasi Komisioni Europian ndërmorri hapa ligjore kundër Budapestit sa i takon reformës në Bankës Qëndrore, sistemin gjyqësor dhe Autoritetin e Mbrojtjes së të Dhënave Personale.

Sipas Komisionit, ligjet hungareze vunë ne rrezik pavarësinë e këtyre organizmave. Zbutja e Orban është parë gjerësisht si një një përpjekje për të fituar paketën e ndihmës nga Bashkimi Europian dhe Fondi Monetar Ndërkombëtar.
Hungaria po lufton me borxhet e saj dhe kërkon të arrijë një pakt të ri me BE dhe FMN, për një hua në vlerën e 20 miliardë eurove. Komisioni Europian paralajmëroi se negociatat per huatë nuk do të nisin derisa Budapesti të përmiresojë ligjin për Bankën Qëndrore.