Tirana stoleron, Flamurtari lan duart me Europën

Nga ndeshja Flamurtari-Tirana 0-3

Kupa e Shqipërisë/ Skënderbeu mund Kastriotin.

Tirana ka mundur dje Flamurtarin në fushën e këtij të fundit, ndërsa Skënderbeu është rikthyer te fitorja në fushën e vet duke mposhtur Kastriotin. Rekordmenët e Shqipërisë përsëritën suksesin e dy javëve më parë, kur i mundën vlonjatët 1-0 në Vlorë (18 mars), në ndeshjen e vlefshme për javën e 17-të, por këtë herë me diferencë më të thellë golash, 3-0. Në katedër u ngjitën Dushku në minutën e 3-të dhe më pas Cikalleshi dhe Tushe në pjesën e dytë, me dy gola njëri më i bukur se tjetri. Trajneri i Flamurtarit, Shkëlqim Muça, i cili për ironi të fatit ka fituar tre tituj kampionë me Tiranën, u përpoq të motivojë lojtarët e tij, por perfomanca e “flotës kuq e zi” ishte shumë e varfër. Ndërkohë, në ndeshjen tjetër të luajtur dje, Skënderbeu ka treguar supermaci përballë Kastriotit, duke e mundur 3-1. Në fillim ishte Plaku që kaloi në avantazh vendësit, por vetëm dy minuta më vonë barazoi Inkango. Korçarët nuk pajtohen me rezultatin dhe nisin sërish ofensivën, e cila jep fryte në minutën e 16-të, kur Radas kaloi sërish në avantazh bardhekuqtë. Në këtë fraksion loje, trajneri Ndreu i Kastriotit kryen dhe dy zëvendësime të çuditshme, të cilat gjithsesi nuk dhanë ndonjë rezultat. Për më tepër, në pjesën e dytë vendësit shënuan edhe golin e sigurisë me anë të Bratiç.

Flamurtari-Tirana 0-3
Shënues: Dushku 3′, Cikalleshi 69′, Tushe 90+3′
Kartonë të verdhë: Veliu, Abraham, Telushi, Çela/ Ferraj
Gjyqtarë: Enea Jorgji/ E.Gançi dhe R.Preça
Flamurtari: Koliqi, Sakaj, Veliu, Abraham, Arbri, Kuqi (Telushi 47), Pezo, Çela (G.Muca 80′), Lena (Shtubina 85?), Progni, Pejiç. Trajner: Shkëlqim Muça
Tirana: I.Lika, Sina, Kalari, Dushku, Ferraj, Taku, Karabeci (Tushe 73′), G.Lika, K.Duro (Aziri 70′), Cikalleshi, Morina. Trajner: Hulian Rubio

Skënderbeu-Kastrioti 3-1
Shënues: Plaku 8, Radas 16, Bratiç 53/ Inkango 10
Kartonë të verdhë: Radas, Plaku, Arapi/ Turdiu, Sefa, Sekseni
Skënderbeu: Shehi, Radas, Gvozdenoviç, Arapi, Fagu (Kërçiku 77), Bratiç (Biskup 88), Allmuça, Shkëmbi (Orelesi 63), Muzaka, Xhafaj, Plaku. Trajner: Stanislav Levi
Kastrioti: Halili, Caca, Pashaj, Malakarne, Cetkovic (R.Hoxha 73), Sefa, Alikaj (Sekseni 35), Muçollari, Turdiu,  Ikango, Xhihani (Ognjanoviç 34). Trajner: Ramazan Ndreu
Gjyqtarë: Emirjon Sino/ I.Tartari dhe N.Rrapaj

Kategoria 1/ Lushnja, një tripletë në transfertë
Ndalet Luftëtari, afrohet Kukësi
Burreli ka mposhtur gjirokastritët e Nevil Dedes, duke bërë edhe më të bukur Kategorinë e Parë. Dy golat e lezhjanit Kreshnik Ivanaj kanë sjellë kapitullimin e kryesuesive bluzinj në këtë javë, që kanë dalë duarbosh nga “Liri Ballabani”. Gjirokastritët patën në përbërje grupin e lojtarëve titullarë, me përjashtim të Shalarit dhe Stojës, që nuk ishin pjesë e formacionit. Megjithatë, kjo nuk mjaftoi për të dalë me sukses nga transferta me Burrelin. Në kampin kuksian ndihej vetëm “aroma” e fitores në përballjen me Elbasanin. Ekipi verilindor i kishte mbyllur përgatitjet me bindjen se trepikëshi për ta do të ishte i padiskutueshëm. Dhe në fakt pritshmëritë janë përmbushur qysh në pjesën e parë, kur Hamzai ka zhbllokuar rezultatin për herë të parë, me penallti, po ashtu ka vulosur në minutën e 90-të fitoren 3-1 të të tijve, ndërkohë që Malo ka superuar barazimin e përkohshëm të miqve, fiksuar në minutën e 63-të nga Musta. Ndërsa lushnjarët e Malkos luanin një tjetër takim tepër të vështirë, në transfertë. Megjithatë, për 15 minuta e kanë parë veten në epërsi të dy golave, të shënuar nga Sefa dhe Xhafa, duke e vënë në shina të sigurta trepikëshin aq të vlefshëm për objektivin e lushnjarëve të Malkos.

Kategoria 1
Java e 23-të
Kukësi-Elbasani    3-1
Shënues: Hamzaj 37 (p), 90, Malo 71/ Musta 63
Ada-Mamurrasi    1-0
Shënues: Puka 76′
Gramozi-Vlora    1-0
Shënues: Musabelliu 60′ (p)
Gramshi-Himara    0-0
Iliria-Skrapari    3-1
Shënues: Lusha 15, Ziri 22, Lama 44/ Korreshi 32
Besa-Besëlidhja    1-0
Shënues: Bubeqi 34′
Burreli-Luftëtari    2-0
Shënues: Ivanaj 25, 71
Butrinti-Lushnja    0-3
Shënues: Sefa 11, Xhafa 15, Topi 62

Renditja
Nr. Ekipi        ND     P
1. Luftëtari    23      53
2. Kukësi         23      50
3. Besa         23      48
4. Lushnja     23      47
5. Besëlidhja     23      42
6. Elbasani     23      34
7. Gramshi     23      33
8. Burreli         23      30
9. Ada         23      29
10. Butrinti     23      27
11. Iliria         23      27
12. Mamurrasi     23      25
13. Gramozi     23      23
14. Vlora         23      17
15. Skrapari     23      17
16. Himara     23      14

LEONARD KARAJ