Tiranë, grabitje me armë në një agjenci valutore

TIRANE- Një agjenci e këmbimit të valutave u grabit pasditen e së martës nga persona të armatosur dhe me maska.

Nga të dhënat e para mësohet se grabitësit kanë mundur të marrin 10 mijë euro.

Ngjarja ka ndodhur në kryeqytet në bulevardin “Bajram Curri. Ende nuk ka të dhëna mbi identitetin e autorëve të grabitjes.

Të dhënat e para të policisë flasin për pjesmarrjen e dy personave në grabitje, të cilët më pas janë larguar nga vendngjarja me një motor.