Tirane grabitje ne mes te qytetit

Një grua është grabitur mbrëmjen e së hënës në mes të Tiranës, teksa priste autobusin. Ngjarja ka ndodhur në qendër të kryeqytetit, pranë Bankës së Shqipërisë, në prani të shumë njerëzve, duke shkaktuar panik mes tyre.

Mësohet se gruaja ishte duke pritur autobusin kur dy të rinj me motor i kanë tërhequr me forcë çantën që mbante në duar dhe janë larguar me shpejtësi.

Policia mbërriti menjëherë në vendngjarje dhe nisi hetimet për identifikimin dhe kapjen e autorëve të grabitjes.