Tony Blair, këshilla miliona paundëshe qeverisë së ardhshme shqiptare

Britani- Gazeta prestigjoze britanike ‘Telegraph’ i ka kushtuar një artikull vendimit të liderit të opozitës Edi Rama që ish-kryeministri britanik Tony Blair, të këshillojë qeverinë e ardhshme të Shqipërisë.

“Tony Blair ka rënë dakord për të këshilluar qeverinë e ardhshme të Shqipërisë, duke hapur rrugën për një marrëveshje që mund të jetë me vlerë miliona paund”,- shkruan ‘Telegraph’.

Edi Rama, njoftoi javën e kaluar se zoti Blair do të veprojë si një konsulent, duke filluar muajin e ardhshëm, “pas zgjedhjeve të cilat zoti Rama pritet të fitojë”,thekson gazeta britanike.

Ndërsa vazhdon: “Z. Rama është popullor në Shqipëri dhe sondazhet tregojnë se, aktualisht është parashikuar për të fituar në rajon 49 përqind të votave kombëtare, ai është në objektivin për të fituar zgjedhjet” por thekson edhe faktin se zëdhënësi i opozitës Endri Fuga “refuzoi të thoshte se sa zotit Bler do të paguhet, edhe pse shifra ka të ngjarë të jetë disa milionë paund”,- thotë gazeta britanike.

Emërimi i zotit Bler vijon marrëveshjet fitimprurëse me qeveritë në Kazakistan, Kuvajti, Brazili dhe Kolumbia.

“Ndërsa popullariteti i zotit Bler ka rënë në Britani të Madhe në prag të luftës së dytë në Irak, ai është konsideruar si një hero në Shqipëri dhe në Kosovën fqinje për të ardhur në ndihmë të shqiptarëve etnikë gjatë luftës së Kosovës kundër Jugosllavisë dhe presidentin e saj të atëhershëm, Slobodan Millosheviqit. Është thënë se qindra fëmijë shqiptarë etnikë në Kosovë janë quajtur “Tonibler” në nder të tij”,- shkruan ‘Telegraph’.