Topalli: "Bac u krye" Kosova e pavarur

Me fjalet "Bac u kry" Kryetarja e Kuvendit Jozefina Topalli mbeshteti dje minute pas minute momentet historike te shpalljes se pavaresise se Kosoves. Ne seancen e jashtezakonshme te thirrur me rastin e pavaresise se Kosoves, Kryetarja Topalli, deputete, perfaqesues te trupit diplomatik por edhe personalitete te kultures e artit, ndoqen hap pas hapi castet e pavaresise. Kryetarja u kujdes qe te realizoje lidhje direkte me ngjarjet ne Kosove ne nje ekran te madh ne Kuvend. Ne pamundesi per te qene ne shtetin e ri, politika por edhe perfaqesues te artit, kultures, diplomate por edhe pubiku, u ftua ta ndjeke nga Kuvendi aktin historik. "Ne kete dite te madhe si shqiptare na takon te jemi dyfish te lumtur e krenare. Te celebrojme sot se bashku me miqte e lirise ne mbare boten. Jo vetem triumfin e vlera njerezore, si te drejta universale, por me nderim dhe solemnitet te kujtojme Ismail Qemalin, Isa Boletinin, Azem Galicen Shaban Pulluzhen Faik, Konicen, Hasan Prishtinen, Adem Jasharin, Ibrahim Rugoven e tu themi: "Bac u kry"". Me keto fjale kryetarja Topalli ftoi dje te gjithe te ndiqnin drejt per se drejti nga Kuvendi aktin e shpalljes te pavaresise. Kosova filloi nje histori te re. Kuvendi qe hapi dyert per ngjarjen historike dha direkt seancen solemne ne Kuvendin e Kosoves, ku u lexua Deklarata e Pavaresise, si dhe miratimi i simboleve kombetare. Por organizimi i bere nga Topalli nuk perfundoi me kaq. Me pas te gjithe te pranishmit festuan momentet e para te paspavaresise ne ambientet ku zhvillohen seancat plenare. Ndryshe nga ditet e tjera, salla e seancave ishte dekoruar me flamuj shqiptar kuq e zi, lule dhe munguan debatet qe jemi mesuar te ndjekim gjithnje nga foltorja e Kuvendit. Ende nuk dihet nese Kuvendi do te reagoje me nje rezolute te posacme per kete ceshtje. R.R.