Topi: U korrigjua gabimi historik qe u be me Kosoven
Rajoni dhe fqinjet me ne fund i korrigjuan gabimet e renda historike qe jane bere me Kosoven. Me keto fjale Presidenti i Republikes Bamir Topi pershendeti nga Presidenca deklaraten e institucioneve te Kosoves per shpalljen e pavaresise. Duke e konsideruar si fitoren me te madhe te demokracise ne Evropen Lindore qe nga rrezimi i Murit te Berlinit, kreu i shtetit shqiptar pershendeti te gjithe qytetaret e Kosoves e politikanet per pergjegjesine, dinjitetin, duke provuar se e ardhmja e ketij shteti te ri eshte ne BE dhe NATO. Sigurisht nje pershendetje te vecante, Topi ja dha faktorit shqiptar, si kontribuuesi me i madh per stabilitet, paqe dhe siguri ne rajon, i cili mbeshteti te gjitha proceset e rendesishme integruese euroatlantike dhe demokratike ne rajon e ne Evrope. "Ky cast eshte shume i rendesishem per Kosoven dhe fqinjet e saj, rajonin tone dhe Evropen, sepse zgjidh perfundimisht hallken e fundit te shperberjes se ish Jugosllavise, ngercin e fundit politik, ushtarak e diplomatik si dhe krijon nje hapesire demokracie, sigurie, paqeje dhe stabiliteti afatgjate", tha Topi. Sipas tij, 17 shkurti 2008 perben fillimin e nje epoke te re besimi reciprok dhe shprese per te ardhmen ne te gjithe Evropen. Kreu i shtetit shqiptar theksoi se nga dje, lihen perfundimisht pas koha e lufterave nderetnike te pergjakshme, koha e gjenocidit dhe spastrimeve mbi baza etnike si dhe koha e kombeve te privilegjuara e te nenshtruara. "Ne kujtojme me respekt dhe nderojme vepren e te gjithe atyre qe luftuan, sakrifikuan, dhane jeten dhe gjakun e tyre, burrat, nenat dhe motrat kosovare, per realizimin e ketij akti historik", vijoi Topi. Ai theksoi se dita e djeshme do te mbetet si nje dite e madhe dhe me shume emocion per te gjithe Kosoven, per popullin e saj, per Shqiperine dhe shqiptaret kudo ku ata ndodhen, sot eshte dita e festes me te madhe per te gjithe qytetaret e Kosoves.
"Eshte dita e se ardhmes se Kosoves, dita e se ardhmes per Shqiperine, per te gjithe rajonin dhe per Evropen e Bashkuar", theksoi presidenti. R.R.