Topalli: Brenda vitit, kandidat ne BE
Kryetarja e Kuvendit, Jozefina Topalli, tha dje, ne fjalen e mbajtur ne Keshillin e Evropes ne Strasburg, se beson se Shqiperia brenda ketij viti do te mbylle ratifikimin e MSA-se do t'i kerkoje Bashkimit Evropian qe te marre statusin e vendit kandidat per anetaresim. Duke vleresuar reformat dhe hapat e vendit drejt anetaresimit ne strukturat euroatlantike, Topalli falenderoi kontributin e KE per perballimin e sfidave. "Ne prill te ketij viti, ne morem ftesen per anetaresim ne NATO dhe shpresojme qe vitin e ardhshem te behemi anetare me te drejta te plota. Po ashtu, ne besojme qe brenda ketij viti te permbyllim ratifikimin e MSA-se dhe t'i kerkojme BE-se te marrim statusin e vendit kandidat per anetaresim", tha Kryetarja. Topalli garantoi se vendi yne eshte i angazhuar seriozisht ne perafrimin dhe zbatimin e ligjeve te BE-se. "Vetem nje muaj me pare Kuvendi i Shqiperise, si nje faktor kyc ne jeten politike ndermori reformen me te rendesishme : Ndryshimet ne Kushtetute, me konsensusin me te gjere politik, te arritur ndonjehere me pare. Ne nje klime te tille konsensusi dhe bashkepunimi, ne jemi duke punuar dhe mbi reformen zgjedhore", vijoi ajo, duke theksuar se eshte e nderuar te marre fjalen ne shtepine e demokracise. R.R