Topalli Per konsensusin do harroj sharjet e dy viteve

Kryeparlamentarja Jozefina Topalli ka dale menjehere ne nje deklarate per median per te vleresuar konsensusin e arritur ndermjet paleve ne Konferencen e Kryetareve te grupeve kuvendore.
Dola sot ne kete konference shtypi sepse sot eshte nje dite e shenuar per Kuvendin e Shqiperise. Me miratimin unanim te Konferences se Kryetareve sot eshte vendosur te nise puna per zhbllokimin e asaj situate qe ka penguar per me shume se dy vjet procesin e integrimit. Une te pakten sot dua te harroj debatet e dy viteve dhe te pergezoj partite politike parlamentare per vendimet qe kane marre sot ne Konferencen e Kryetareve. Sot te gjitha palet kane marre persiper pergjegjesine qe u takon - tha Topalli. Kreu i Kuvendit gjithashtu ka theksuar se une shpresoj shume qe ligjet qe kerkojne 3/5-at do te shqyrtohen me seriozitet dhe do miratohen sipas kalendarit te miratuar nga konferenca. Kreu i Kuvendit mund ta cilesoje si nje fitore dhe te sajen faktin se marreveshja arrihet ne institucionin qe drejton ne Konferencen e Kryetareve pavaresisht negociatave informale mes paleve PS dhe PD. Kjo ishte edhe nje kerkese e faktorit nderkombetar qe konsensusi politik ndermjet mazhorances dhe opozites te arrihet ne institucione. Shpresoj dhe uroj qe mirekuptimi i arritur sot ne Konference per ngritjen e Komisionit parlamentar per Reformen Zgjedhore do te vazhdoje te jete ne themel te punes se ketij komisioni. Une jam e sigurt qe ekspertet juriste te Kuvendit do te prodhojne te gjitha draftet e nevojshme te rregullores per ta cuar me tej konsolidimin e praktikave te demokracise parlamentare. Aktet e sotme te Konferences se Kryetareve jane nje sinjal shume i forte dhe shume i mirepritur nga faktori nderkombetar i cili ka qene gjithe kohes ne nxitje dhe mbeshtetje te ketij procesi. Jam shume e lumtur per kompromisin parlamentar te arritur - deklaroi Topalli.