Topi: Mosplotësimi i KQZ-së, prelud fatkeq për zgjedhjet

Kreu i FRD-së, Bamir Topi ka paralajmëruar sot zgjedhje të kontestuara, nëse Komisioni Qendror i Zgjedhjeve nuk do të plotësohet.

Në një prononcim për mediat pas takimit me shefen e misionit të vëzhguesve të OSBE-ODIHR, McCormack, Topi u shpreh se

Një situatë parazgjedhore që nuk ka një KQZ të formatuar, është prelud fatkeq i kontestimit të rezultatit, sidomos kur KQZ-ja do të mbesë në një ngërç sa i përket akteve normative. Është e pakuptimtë që mes partive diskutohet mbledhja e Kuvedit të hënën për tre ligjet. Kuvendi në fillim duhet të mblidhet për çështjen e KQZ, pasi kishte kohë për tre ligjet. Ne mbështesim miratimin e tre ligjeve, pasi janë  në interesin e vendit theksoi Topi.

Topi theksoi më tej se një problem i madh për zgjedhjet mbeten edhe dublimet në listat zgjedhore duke shtuar se janë mbi 50 mijë dublime në lista, ndërsa mbi 200 mijë persona janë pa adresë.