Topi dekreton buxhetin e 2012-s

Ky buxhet u miratua javën e shkuar pas debateve të shumta midis pozitës dhe opozitës veçanërisht mbi mënyrën e taksimit të shtetasve.

Mazhoranca pretendon se buxheti i vitit të ardhshëm është më i madhi në historinë e vendit, pavarësisht krizës ekonomike botërore. Ky buxhet u miratua vetëm me 74 votat e mazhorancës në Parlament, ndërsa opozita votoi kundër. Shpenzimet e buxhetit të vitit të ardhshëm janë parashikuar në vlerën e rreth 397 miliardë lekë.

Për investimet nuk parashikohet rritje, duke i mbajtur të njëjta si të vitit 2011, rreth 70 miliardë lekë. Të ardhurat parashikohen në 352 miliardë lekë. /Start/

                                                                                             2011-12-15 08:30