Topi dekreton qeverinë "Berisha"

Presidenti i Republikës, Bamir Topi ka dekretuar qeverinë "Berisha". Presidenti ka firmosur dekretimin e 15 emrave të propozuar nga kryeministri Sali Berisha për të qenë ministrat e kabinetit të ri.
Dekreti i Presidentit vjen 5 ditë pas propozimeve të kreut të qeverisë Berisha. Tashmë dekreti i Presidentit të Republikës do të dërgohet në Kuvendin e Shqipërisë për miratim. Ndërkohë që më 9 shtator, Presidenti Topi dekretoi kryeministrin Berisha.
Në një prononcim të tij, ditën e sotme në lidhje me dekretimin e qeverisë, Presidenti Topi tha se do t'i referohej vetëm Kushtetutës.
Përbërja e re e qeverisë e propozuar nga Berisha është:
Zv.Kryeministër dhe Ministër i Punëve të Jashtme - Ilir Meta
Ministër i Brendshëm - Lulzim Basha
Ministër i Shtetit - Genc Pollo
Ministër i Bujqësisë, Ushqimit dhe Mbrojtjes së Konsumatorit - Genc Ruli
Ministër i Ekonomisë - Dritan Prifti
Ministër i Punës, Çështjeve Sociale dhe Shanseve të Barabarta - Spiro Ksera
Ministër i Turizmit, Kulturës, Rinisë dhe Sporteve - Ferdinand Xhaferri
Ministër i Shëndetsisë - Petrit Vasili
Ministre e Integrimit - Majlinda Bregu
Ministër i Mjedisit, Pyjeve dhe Administrimit të Ujërave - Fatmir Mediu
Ministër i Financave - Ridvan Bode
Ministër i Arsimit dhe Shkencës - Myqerem Tafaj
Ministër i Brendshëm - Arben Imami
Ministër i Drejtësisë - Bujar Nishani
Ministër i Punëve Publike, Transportit dhe Telekomunikacionit - Sokol Olldashi