Topi vizitë në Turqi, takime me krerët e shtetit

Kreu i shtetit Bamir Topi do të zhvillojë sot një vizitë tre ditore në Turqi ku do të takohet me krerët më të lartë të shtetit turk.
 

Presidenti i Republikës do të pritet me nderime shtetërore dhe do të zhvillojë takime me Presidentin e vendit Abdullah Gyl, me të cilin do të mbajë dhe një konferencë të përbashkët për shtyp, Kryeministrin Rexhep Tajip Erdogan, Kryetarin e Asamblesë së Madhe Kombëtare të Turqisë, Cemil Çiçek.

Axhenda e Presidentit Topi parashikon gjithashtu dhe pjesëmarrjen e tij në Mbledhjen e Këshillit të Biznesit turko-shqiptar, ku Kryetari i Shtetit Shqiptar pritet të mbajë fjalën përshëndetëse.

Në përmbyllje të vizitës, Presidenti Topi do të zhvillojë një takim dhe me përfaqësues të bashkësisë shqiptare në Turqi.