Tottenham, Conte kundër të gjithëve

Trajneri aktual i Tottenham, Antonio Conte, sulmon gjatë një konference për shtyp përpara ndeshjes jashtë fushe të së enjtes kundër Manchester Cityt. Conte u ankua pse futbolli anglez nuk mund të ndjekë modelin italian, ku figurat kryesore detyrohen të angazhohen me median dhe të adresojnë çështjet, sipas një strategjie më të gjerë të klubit.

“Në Angli – tha Antonio Conte – ekziston një zakon i keq që vetëm trajneri duhet të flasë dhe të shpjegojë. Unë kurrë nuk kam parë departamentin mjekësor të vijë këtu për të shpjeguar pse ky lojtar po lufton për t’u rikuperuar. Nuk kam parë kurrë klubin apo drejtorin sportiv të vijnë këtu për të shpjeguar strategjinë dhe vizionin e klubit”. Dhe përsëri: “Trajneri duhet të mbyllë gojën dhe të pranojë situatën”.

Tottenham ka arritur vetëm tri fitore në nëntë ndeshjet e fundit në Premier League dhe Conte mund t’i japë fund aventurës së tij në fund të sezonit. Pra, mes rezultateve të përziera dhe zhgënjimit në rritje midis mbështetësve me menaxhimin e klubit, Conte sugjeroi se mund të ndihmonte në shmangien e “keqkuptimeve” nëse klubi herë pas here merrte përsipër t’u përgjigjej pyetjeve. “Është ndryshe në Itali – përfundoi ai – Gjatë javës së ndeshjes, personi nga klubi flet dhe shpjegon shumë situata. Nëse flet vetëm trajneri, ndonjëherë ka keqkuptime”.