Trafiku i heroines, 21 vjet burg tre te pandehurve

Tirane- Gjykata e Krimeve te Renda denoi dje me 21 vjet burgim tre te pandehurit per trafik droge. Togat e zeza te kryesuara nga gjyqtari Xhelal Elezi kane shpallur fajtore Aleksander Kapajn, duke dhene 7 vjet e 4 muaj burg, kurse Perparim Llanaj dhe Blenard Gremi moren 6 vjet e 8 muaj burgim secili. Te pandehurit ishin duke u gjykuar me gjykim te shkurtuar ashtu sic ishin aktet e paraqitura nga Prokuroria e Krimeve te Renda. Te pandehurit akuzohen se ne bashkepunim me njeri-tjetrin, kane tentuar te trafikojne nje sasi prej 5 kilograme heroine. Sipas hetimeve te kryera nga Prokuroria e Krimeve te Renda, organizatori i ketij trafiku dyshohej te ishte Kapaj, i cili kishte siguruar edhe sasine e lendes narkotike ne kryeqytet, ndersa Perparim Llanaj e dorezonte lenden tek taksisti Blenard Grembi, i cili kryente rolin e korrierit me transportimin e kokaines dhe heroines drejt Greqise. Te pandehurit rane ne pranga ne saje te operacionit te koduar "Taksisti". Sipas hetimeve te kryera nga prokuroria, ka rezultuar se mengjesin e 29 tetorit 2008, rreth ores 09:15, i pandehuri Blenard Gremi ka tentuar te kalonte kufirin, por kontrolli i policise zbuloi 4 kilograme droge, 2.5 kg heroine dhe 1.5 kg kokaine, te fshehur ne pjesen e brendshme te taksise. Hetimet per trafikun e kesaj sasie lende narkotike nisen ne mars 2008, mbi bazen e te dhenave per trafik droge, por te dyshuarit nuk ishin identifikuar. Me 23 tetor 2008, Prokuroria e Fierit ka vendosur ta kaloje dosjen per kompetence ne Prokurorine e Krimeve te Renda ne Tirane.

R. C