Zjarri pushton kodren me pisha, panik tek banoret

URA-VAJGURORE- Nje zjarr i rene diten e djeshme ka perfshire nje nga kodrat e mbjella me pisha ne qytezen e Ures Vajgurore. Zjarri eshte pikasur fillimisht nga banoret e zones ne lagjen "Guri i Bardhe", rreth ores 11:00, ndersa me pas ne vendin e ngjarjes kane mberritur menjehere punonjesit zjarrfikes, ata te mbrojtjes se pyjeve dhe uniformat blu. Punonjesit zjarrfikes konstatuan se fillimisht zjarri kishte rene ne nje vater, ndersa me pas, ndikuar dhe nga temperaturat teper te larta dhe era, eshte shperndare ne disa te tilla. Menjehere mesohet se eshte nderhyre per eliminimin e tre vatrave te zjarrit dhe ne ndihme pervec punonjesve zjarrfikes kane ardhur dhe banore te zones. Jane dashur me teper se 60 minuta dhe flaket e zjarrit jane shuar, ndersa eshte demtuar rende nje siperfaqe toke. Flaket e zjarrit dogjen gjithe siperfaqen me shkurre, ndersa u arrit qe te shpetoheshin pishat qindra vjecare. Ky eshte rasti i pare i renies se zjarrit per kete vit ne qarkun e Beratit. Me pas ne vendin e ngjarjes mberriten punonjesit e policise per te mesuar rreth shkaqeve te renies se ketij zjarri. Nga hetimet e para mesohet se zjarri ka rene nga ndonje pakujdesi e banoreve te zones, te cilet perdorin kodren per kullotje, por nuk perjashtohet mundesia e venies se zjarrit ne menyre te qellimshme.

E. H.