Trafikuan 23-vjecaren, denohen me 30 vjet burg
Tirane- Shiten per 3 mije euro nje vajze 23-vjecare ne Tropoje, denohen me 30 vjet burgim dhe 12 milione leke dy te pandehurit. Gjykata e Krimeve te Renda, ka shpallur dje fajtore dhe ka denuar dy te pandehurit Isat (Esat) Metaliaj dhe Tahir Syleci, te dy nga Tropoja. Trupi gjykues i kryesuar nga gjyqtari Klodian Kurushi, vendosi dje denimin me 15 vjet burg dhe 6 milione leke gjobe, secilin nga te pandehurit. Nje seance me pare prokurori kerkoi denimin e Metaliajt me 16 vjet burg dhe 6 milione leke gjobe, ndersa per Sylecin akuza kerkoi denimin e tij me 15 vjet burg dhe 6 milione leke gjobe. Avokatet e te pandehurve nga ana e tyre, kerkuan shpalljen e klienteve te tyre, te pafajshem. Ngjarja per te cilen jane shpallur dje fajtore dy te pandehurit, ka ndodhur ne janar te vitit 2006. Sipas hetimeve te kryera nga prokuroria, i pandehuri Isat Metaliaj, ka rene ne kontakt me nje kosovar 75-vjecar qe kerkonte nuse ne Shqiperi, duke i premtuar ketij te fundit se do t'ia gjente. Metaliaj ka kontaktuar me vajzen e demtuar, 23-vjecaren e divorcuar, ne janar te vitit 2006, nepermjet telefonit celular. Pas bisedave qe kane zgjatur dy muaj, vajza dhe i pandehuri kane rene dakord qe te takohen me njeri-tjetrin. Gjate takimit te tyre, i pandehuri Metaliaj i eshte prezantuar vajzes si vellai i personit qe kontaktonte ne telefon, duke e genjyer se ai nuk mund te levizte dot nga banesa, per arsye te nje procedimi penal. Pas takimit, i pandehuri e ka marre vajzen nen kercenimin e armes, ku pasi e ka hipur ne makine e ka derguar ne qytetin e Tropojes. Nga hetimet ka rezultuar se e demtuara eshte kercenuar, torturuar, si dhe eshte vene ne dijeni te marteses se saj me plakun 75-vjecar. Vajza ka lajmeruar edhe familjen e saj, duke e vene ne dijeni se ishte duke ikur per ne Kosove, per t'u martuar. Ne daten 8 mars, ajo eshte nisur drejt Kosoves per te shkuar tek burri i ardhshem, 75- vjecari nga Ferizaj me iniciale P.TH.. Ky i fundit i ka shperblyer te pandehurit Tahir Syleci dhe Isat Metaliaj, me 3 mije euro. Dy te pandehurit akuzoheshin nga prokuroria per vepren penale te "trafikimit te femrave me qellim prostitucioni".