Tragetet, rriten cmimet e biletave

Ne dy ditet e fundit, ne portin e Durresit kane kaluar me shume se 13 mije pasagjere dhe rreth 3 mije autovetura. Burime nga porti i Durresit kane bere te ditur se tashme ka filluar fluksi i ardhjes se emigranteve per festat e fundvitit. Ndonese masat e marra nga Autoriteti Portual kane dhene efektin e tyre ne percjelljen e shpejte te emigranteve, problemet duket se kane te bejne me ato qe lidhen me portet italiane dhe cmimet e biletave. Dy dite me pare, tragetet nga Bari jane nisur me kater ore vonese dhe rrjedhimisht edhe mberritja ne Durres ka pasur te njejtin efekt. Pasagjeret qe kane mberritur ne portin e Durresit, shumica e te cileve jane emigrante shqiptare, kane bere te ditur se nisja e tyre nga Bari eshte bere ne oren 2:00 pas mesnate, nderkohe qe ne nje situate normale tragetet duhej te niseshin ne oren 22:00. Diten e djeshme kane mberritur 5 tragete se bashku me katamaranin maltez, duke sjelle ne total pak me shume se 4 mije emigrante dhe afro 1 mije autovetura. Emigrantet jane shprehur se situata ne portet italiane nuk ka filluar te rendohet ende, por fluksi ndihet dhe shenjat e para jane nisja me vonese e trageteve. Nga ana tjeter, dita e djeshme ka qene dita e fundit ku jane shitur bileta me cmim te pandryshuar, pasi duke filluar nga dita sotme, eshte njoftuar se biletat do te rriten me te pakten 1-2 euro. Nje gje e tille behet per arsye te rritjes se cmimit te karburanteve, prandaj edhe hyrja ne fuqi e cmimeve te reja eshte bere ne kohen e fluksit, i cili mendohet se zgjat nga data 20 deri ne 30 dhjetor, dhe me pas perseri ne muajin janar, nga data 15-31. Cmimet e biletave jane njoftuar se do te rriten edhe nga kompanite qe kane tragete ne linjat e Triestes dhe Ankones me Durresin dhe jo vetem tragetet e linjes Bari-Durres. Rritja e cmimit eshte bere e pashmangshme, megjithese Autoriteti Portual i Durresit ka ulur tarifat portuale per operatoret e ndryshem qe hyjne e dalin nga porti me i madh i vendit.