METE, gjen fonde per kaskadat

Qeveria zvicerane permes nje granti me vlere 1 milion euro, do te ndihmoje KESH-in, duke financuar studimin e fizibilitetit per sigurine e digave ne kaskadat e lumenjve Drin dhe Mat. Marreveshja perkatese u nenshkrua gjate dites se djeshme ne Ministrine e Ekonomise, Tregtise dhe Energjetikes nga ministri Genc Ruli, ambasadorja e Konfederates se Zvicres ne Shqiperi, Yvana Enzler dhe drejtori i pergjithshem i KESH-it, Gjergji Bojaxhi. Kjo marreveshje eshte pjese e Marreveshjes Kuader mes qeverise shqiptare me ate zvicerane per bashkepunim teknik, financiar dhe humanitar, i ratifikuar nga Kuvendi i Shqiperise ne muajin shtator 2007. Ministri Ruli vleresoi kete kontribut si mjaft te rendesishem, qe lidhet me nje nga objektivat kryesore, ate te sigurise se digave ne kaskadat e lumenjve Drin dhe Mat, ku jane dhe HEC-et kryesore te vendit, por dhe financimet e rendesishme qe ka dhene ne vite qeveria zvicerane per sektorin elektroenergjetik shqiptar. Nderkohe, qeveria po punon per te siguruar fondet e nevojshme financiare nga donatoret, per te nderhyre ne zbatim te percaktimeve, qe do te dalin nga studimi i fizibilitetit per keto kaskada, i cili behet i mundur me financimin e qeverise zvicerane. Ambasadorja e Konfederates se Zvicres, Yvana Enzler, u shpreh e kenaqur per kontributin zviceran.