KESH: Nuk eksportojme energji ne Kosove
Festat e fundvitit pa kufizime. Ne janar reduktimi i kufizimi ne dore te reshjeve
Zyrtaret e Korporates Energjetike hedhin poshte pretendimet, se gjate koheve te fundit nga vendi yne eshte eksportuar energji per ne Kosove. Sipas tyre, ne Kosove nuk eshte importuar asnje kilovat energji, edhe pse situata energjetike paraqitet e permiresuar. Ne kete kontekst mund te thuhet se Korporata Energjetike nuk mund te mbuloje nevojat e Kosoves me energji sipas deklaratave te bera pak dite nga kryeministri Sali Berisha, ne rast se Serbia vendos embargo per importin e energjise. Per sa i perket situates energjetike ne vendin tone, gjate ketyre diteve KESH-i ka nisur te hedhe ne rrjet nje sasi te vogel energjie te prodhuar nga Fierza, edhe pse ajo duhej te mbahej e mbyllur edhe per disa dite, derisa niveli ne hidrocentral te shenonte mbi 285 metra, nga 282 metra qe eshte aktualisht. Pavaresisht kesaj, KESH-i do te mbaje premtimin dhe do te sjelle furnizim pa nderprerje te popullates per festat e fundvitit. Ndersa ne fillim te muajit janar te vitit te ardhshem, reduktimi i kufizimeve do te jete ne varesi te situates hidrike. Gjithsesi, drejtori i Pergjithshem i KESH-it, Gjergj Bojaxhi, ka deklaruar per mediat se situata hidrike eshte mjaft e permiresuar, cka do te sjelle furnizim pa nderprerje gjate festave te fundvitit.