Transferimi i studimeve, afatet

Se shpejti, nis procesi i aplikimit, nepermjet dorezimit te dosjes. C’duhet te keni parasysh
Te gjithe ata qe duan te transferojne studimet e larta nga universitetet private apo ata te huaja drejt universitetit te Tiranes kane afat deri me 18 shtator te dorezojne dosjen. Nderkohe qe fituesit do te perzgjidhen ne baze te kritereve qe ka percaktuar Universiteti i Tiranes si dhe krediteve qe ata kane.
Transferimi
Universiteti i Tiranes ka publikuar afatet e paraqitjes se te interesuarve prane zyres perkatese per te dorezuar dosjen e konkurrimit per njohjen. Pjesemarrja ne konkurrim do te quhet e vlefshme vetem ne rast se do te respektohet afati i dorezimit te dokumenteve, konkretisht duke filluar nga data 27 gusht deri me 18 shtator 2009. Njekohesisht eshte zyrtarizuar edhe lista e dokumenteve qe kerkohen per kalimin e studimeve ne Universitetin e Tiranes per sistemin me kohe te plote. Pas mbylljes se fatit zyrtar te depozitimit te kerkesave prane njesive kryesore te institucioneve publike te arsimit te larte ngrihen komisionet ad-hoc te transferimeve me anetare te personelit akademik ne fillim te cdo viti akademik, te cilat bejne perzgjedhjen e kandidateve ne perputhje me kriteret e vendosura, si dhe njohjen e plote ose te pjesshme te krediteve te fituara prej tyre ne programet apo vitet e meparshme te studimit. Transferimi duhet te bazohet ne transferimin e vitit akademik dhe jo semestral. Institucionet derguese te studimeve duhet te certifikojne kundrejt institucioneve pritese, cdo dokumentacion qe ka te beje me nivelin e studimeve te kryera nga studenti dhe rezultatet e arritura prej tij.
Aplikimi
Ne afatet e percaktuara studentet e interesuar duhet te dorezojne detyrimisht listen e dokumenteve te kerkuara. Njesite kryesore te institucioneve publike te arsimit te larte mund te vendosin ne rregulloren e tyre mesimore kritere specifike, ne varesi te formes se studimit dhe te programit te studimit, qe i bejne publike para perzgjedhjes se fituesve. Studentet qe transferojne studimet midis programeve te ciklit te pare, kerkohet te kene marre te pakten 30 kredite ne disiplina qe perfshihen ne disiplina te formimit te pergjithshem dhe ne disiplina te formimit karakterizues ne programet qe ata kane studiuar. Ndersa, studentet qe transferohen nga programet e meparshme te studimit ne nje program studimi te ciklit te pare, duhet t'i vleresohen programet e bera dhe rezultatet e marra te jene te barasvlershme me jo me pak se 30 kredite ne programin ekzistues te institucionit publik te arsimit te larte prites. Tarifat e studimit do te jene te ndryshme, sipas llojit te programit, por keto te fundit do te publikohen ne javet e ardhshme te detajuara per secilin program studimi.
L.Ndoka

Dokumentet:
Kerkesa per transferim me shkrim e te interesuarit (me adrese)
Permbajtja e planit dhe programit te studimit
Lista e lendeve, krediteve dhe notave te fituara universiteteve perkates
Kopje e noterizuar e librezes se studentit, per institucionet qe kane indeks
Kopje e noterizuar e diplomes se shkolles se mesme
Per universitetet jashte vendit, dokumentacioni duhet te jete i perkthyer ne shqip dhe i noterizuar ne Shqiperi
Te gjitha dokumentet duhet te jene te certifikuara nga institucioni qe i leshon
Fotokopje te Kartes se Identitetit
Mandat arketimi 1000 leke. BANKA KREDINS Nr: 589007