“Tring”, vjedh programet, denohet nga KKRT

Keshilli Kombetar i Radios dhe Televizionit ka vendosur dje sanksione ligjore ndaj platformes televizive “Tring TV”. Vendimi i keshillit detyron kompanine qe te paguaje shumen prej 1 milione lekesh, te vendosur pak kohe me pare. Nje tjeter vendim i KKRT-se parashikon dhe reduktimin licences se kesaj kompanie me pese vite. Vendimi i institucionit qe rregullon ceshtjet qe kane te bejne me lejet dhe licences dhe te drejtat e transmetimit eshte bere dje publike duke dhene dhe argumentet perkates per masat ligjore qe u moren. Masat per kompanine “Tring Tv” kane ardhur pas faktimit te KKRT-se se ky subjekt ka shkelur ligjin, duke transmetuar programe pa te drejta televizive. Nderkohe qe kjo shkelje sipas raportit te KKRT-se, eshte bere ne menyre te perseritur nga ky operator, gje qe ka sjelle dhe marrjen e nje mase me te rende. “Eshte lene ne fuqi gjoba prej 1 milione lekesh qe eshte vendosur ndaj platformes numerike “Tring Tv”, per transmetime programesh pa te drejta dhe reduktimin ne 5 vite kohe te licences per shkak te shkeljeve te perseritura te te drejtave te transmetimit”, u shpreh zedhenesja e KKRT, Valbona Nisha. Vendimi per ndeshkimin e operatorit eshte ne dy dite me pare ne mbledhjen e KKRT-se, nderkohe qe ne menyre zyrtare ai u be publik dje. Vec ndeshkimit ndaj “Tring Tv”, KKRT ka marre masa dhe per nje sere televizionesh kabllore lokale per pirateri televizive. Nderkohe qe jane penalizuar edhe subjekte te tjere te cilat kane aplikuar per licences, por kane nisur transmetimet televizive pa marre lejen e transmetimit nga institucionet perkatese. Zedhenesja e KKRT-se, Valbona Nisha u shpreh se ne mbledhjen e radhes se Keshilli Kombetar i Radios dhe Televizionit ka diskutuar dhe mbi projektligjin per transmetimet me ze dhe figure. Ky projektligj eshte hartuar nga komisioni parlamentar per edukimin dhe mjetet e informimit publik.