Trofeu i 70-të, në 90 minutat e funditRekordmenia e trofeve Tirana me 23 tituj, përballë Vllaznisë që synon “kurorën” e 10-të
Fatmir EFICA -Eshtë një kampionat jubilar, i 70-ti dhe që do të mbahet mend gjatë. Cila do qoftë kampionia e re, sfida e sotme ora 19:00 në “Qemal Stafa” është e gjitha mes dy ekipesh elitare. Do të jenë përballë dy skuadra të traditës dhe tepër të spikatur të futbollit shqiptar.
Vllaznia me 9 tituj kampion do të synojë të marë të 10-in, por në një detyrë jo shtëpiake. Në duel ka përballë rekordmenen e pangopur të trofeve, Tiranën, 23 herë kampione, skuadër që ka qenë e mbetet “legjendë” për nga potenca dhe ambiciet që tregon.
Në 32 javët e një maratone të gjatë, rruga e përshkuar evidenton mjaft dukuri, që do të futen në “sitë” pas këtij 90-minutëshi të sotëm, i gjithi për të hyrë në historinë e madhe të secilës.
Sigurisht njëra do të fitojë titullin e tjetra do të dëshpërohet. Por ballafaqime të këtij niveli më shumë se sa prestigjin sportiv në kufinjtë shumë të emacipuar që kanë të dyja ekipet, mbartin emocionet e mëdha të sportdashësve.
Ata festojnë në tribuna. Ata, tifozët e mrekullueshëm tiranas e shkodranë, ashtu si protagonistët e fushës duan të jenë pjesë e lojës.
“Ethet” e renditjes pas çdo jave...
Eshtë i tepërt çdo lloj komenti përballë ecurisë javë pas jave, nga starti deri një ndeshje para finishit, për të dyja skuadrat që synojnë të laurohen sot me titullin kampion.
Diferenca aktuale në pikë (+1 e bardhebluve) është e tillë që lë megjithatë çdo gjë ende të hapur për një 90 minutësh të fundit, që padyshim do të vishet me shumë histori, si për ekipin që do ta fitojë trofeun, ashtu dhe për humbësen që do të mbesë gjithsesi nënkampione.
Javët Skuadra 1 Vendet Skuadra 2 Vendet
Java i TIRANA 8 VLLAZNIA 9
Java II “ 5 “ 3
Java III “ 3 “ 1
Java IV “ 1 “ 4
Java V “ 1 “ 3
Java VI “ 1 “ 2
Java VII “ 1 “ 2
Java VIII “ 1 “ 5
Java IX “ 1 “ 4
Java X “ 1 “ 2
Java XI “ 1 “ 2
Java XII “ 1 “ 2
Java XIII “ 2 “ 1
Java XIV “ 2 “ 1
Java XV “ 2 “ 1
Java XVI “ 2 “ 1
Java XVII “ 2 “ 1
Java XVIII “ 2 “ 1
Java XIX “ 2 “ 1
Java XX “ 1 “ 2
Java XXI “ 2 “ 1
Java XXII “ 1 “ 2
Java XXIII “ 1 “ 2
Java XXIV “ 1 “ 2
Java XXV “ 1 “ 2
Java XXVI “ 1 “ 2
Java XXVII “ 1 “ 2
Java XXVIII “ 1 “ 2
Java XXIX “ 1 “ 2
Java XXX “ 2 “ 1
Java XXXI “ 2 “ 1
Java XXXII “ 1 “ 2
Java XXXIII “ ? “ ?
E Shtune, 23 Maj 2009