Tronditet materniteti, vdes nene e bir
Aleksander Ndoja
Spitali rajonal i Rreshenit eshte tronditur nje nate me pare, teksa nga dyert e tij kane dale te vdekur nena dhe femija, pas procesit te lindjes. Marina Mrruku, 36 vjece, nene e dy femijeve ka qene krejt e pa fat gjate lindjes se femijes se trete. Femija ka lindur i vdekur, ndersa ajo vete nuk ka mundur qe te mbijetoje me shume se 40 minuta pas lindjes. Rreth dy dite me pare se te ndodhte ngjarja, 36-vjecarja, lindur ne fshatin Perlat, te komunes se Kthelles dhe me banim ne qytetin e Rubikut, eshte paraqitur prane maternitetit te qytetit te Rreshenit. Ajo eshte sjelle ne spital nga kunata e saj, nderkohe qe bashkeshorti i saj se bashku me vellane e te ndjeres jane emigrante ne Greqi.
VDEKJA E DYFISHTE
Pas dy dite trajtimi ne maternitetin e Rreshenit, ajo eshte futur ne sallen perkatese per te kryer aktin e lindjes. Burime prane spitalit konfirmojne se akti i lindjes eshte asistuar nga mjeku me pervoje ne kete spital, Mark Lleshi. Qe ne fillim jane vene re probleme, ndaj per kete eshte bere kujdes maksimal gjate procesit te lindjes. Por, ne perfundim te aktit eshte konstatuar se bebja e sapolindur kishte qene pa jete. Vetem pese minuta pas lindjes ka filluar te rendohet gjendja e nenes. Megjithese mjeku dhe infermieret kane bere te pamunduren per ndalimin e hemorragjise, kjo ka qene e pamundur. Pacientja Marina Mrruku ka vdekur vetem 40 minuta pas lindjes se foshnjes, duke lene jetime nje vajze ne moshen 10-vjecare dhe djalin ne klasen e pare.
KTHEHET EMIGRANTI
Ngjarja e rende ka tronditur familjaret e saj dhe te afermit, nderkohe qe bashkeshorti se bashku me vellane e vetem, jane kthyer menjehere nga Greqia per ne Rubik, ku edhe do te zhvillohet ceremonia mortore. Mesohet se e ndjera Marina Mrruku ishte martuar 15 vite me pare me Bashkim Skenderin, nga Tepelena. Para disa vitesh, ata kane lene Tepelenen dhe jane vendosur per te jetuar ne Rubik, ne nje banese qe e kishin blere ne kete qytet. Ndersa ne spitalin e Rreshenit per gjate gjithe dites jane bere analiza per shkakun e ngjarjes se rende, por ende nuk eshte dhene nje pergjigje e sakte per shkakun e vdekjes se dyfishte. Gjithashtu, jane mbajtur kampionet e gjakut per te bere analiza perkatese, per te konfirmuar nese e ndjera Mrruku ishte bartese e ndonje semundjeje ne gjak. Akoma nuk eshte vendosur nese prokuroria do te ndermarre nje hetim per kete ngjarje, e cila ka shume vite qe nuk ka ndodhur ne Mirdite.