"Trovatore" me 6 prill ne TKOB
Veprat e repertorit rikthehen ne skenen e Teatrit Kombetar te Operes dhe Baletit. Opera "Trovatore" do te ngjitet ne skene me 6 prill per te vijuar edhe ne datat 8, 10 dhe 12 prill. Por skenes do t'i rikthehet edhe "Traviata" dhe "Rigoleto", te tria keto qe mbajne firmen e Giuseppe Verdit qe jo rrallehere eshte ngjitur ne skenen tone nepermjet ketyre operave monumentale. Vepra vjen nen regjine e Nikolin Gurakuqit, skenografi te Genc Shkodranit dhe dirigjim te Andre Bernardit i cili se ka te paren here qe vjen per dirigjimin e nje vepre operistike ne Shqiperi. Nje vit me pare drejtoi orkestren e TKOB ne "Traviaten" e Massimo Ranierit. Eshte ftuar per te marre pjese mexosopranoja Shpresa Beka, e cila interpreton rolin e ciganes Azucena. E reja e kesaj vepre (ne radhen e veprave verdiane) eshte pikerisht mexosopranoja, nen petkun e nje ciganeje, qe hakmerret per nenen e djegur ne turren e druve. Tjeter i ftuar eshte tenori Agim Hushi e perkrah tyre do te jene Ylber Gjini, Sonila Baboci, Irini Nikolla, etj.