Trukimet, Vllaznia-NK Zagreb ne lupen e UEFA-s

Klubet shqiptare behen serish pjese e hetimeve per trukim rezultatesh. Eshte Vllaznia e cila per shkak te gjyqtarit Maltez Joe Attard e sheh veten ne listen e 25 ndeshjeve nderkombetare per te cilat UEFA po mbledh materiale.

Lajmi eshte dhene nga gazeta malteze “The Times”, sipas se ciles, zyra per shtyp e UEFA-s ka konfirmuar se ndeshja e kthimit mes Vllaznise dhe Nk Zagreb, e vlefshme per kupen Intertoto 2007 e fituar 1-0 nga shkodranet, po hetohet nga organizmi me i larte i futbollit europian, pasi dyshohet per baste te paligjshme. “Ne kete faze te hetimeve nuk mund te japin asnje detaj. Shpresojme qe te perfundojme hetimet ne fund te ketij viti ose ne muajin e pare te vitit te ardhshem”, pohon per gazeten “The Times”, zedhenesi i UEFA-s.

Ndeshja mes Vllaznise dhe ekipit kroat, NK Zagreb perfundoi 1-0 fale golit te Nores, gje e cila i dha kualifikimin skuadres shqiptare per te vazhduar me tej.

Pak kohe me pare, presidenti i Federates Malteze te Futbollit, Joe Misfud akuzoi gjyqtarin e FIFA-s Attard dhe shqiptarin Ilir Pelinku, trajner ne Malte, te cilet jane ndikuar ne menyre te paligjshme ne rezultatin ndeshjes se Kupes UEFA, Marsaxlok–Slaven Belupo.