Trupat siriane marshojnë afër kufirit turk

Trupat siriane kanë marshuar afër kufirit me Turqinë, ndërsa presidenti Bashar al-Asad po rrit përdorimin e forcës ushtarake kundër protestuesve, të cilët kërkojnë rrëzimin e regjimit të tij.

Dëshmitarët thanë se qindra refugjatë kanë ikur në Turqi, ndërsa tanket i janë afruar kampeve, në pjesën siriane të kufirit, në të cilat ishin strehuar.

Rreth 10 mijë sirianë, tashmë gjenden në Turqi, pasi i ikën aksioneve ushtarake. Opozita thekson se 1400 persona janë vrarë që nga shpërthimi i protestave kundër Asadit tre muaj më parë.

Aksionet janë dënuar ndërkombëtarisht, ndërsa SHBA dhe BE kanë vendosur sanksione ndaj Asadit dhe ndihmësve të tij kryesorë.