Tryeza, Berisha shmang aleatet

Kryeministri Berisha shtyu mbledhjen e tryezen e krereve te partive te djathta, parashikuar per t'u mbledhur diten e djeshme. Nga Elbasani, ku ndodhej per te festuar Diten e Veres, Kryeministri Berisha tha se takimi me aleatet e tij per reformen zgjedhore do te shtyhej, per shkak te axhendes tejet te ngarkuar te ketyre diteve. "Natyrisht qe aleatet do t'i takoj, por sot kam nje axhende qe nuk ma mundeson kete gje. Por, do t'i takoj gjate diteve ne vazhdim. Une jam ne takime te vazhdueshme me aleatet", deklaroi Berisha per takimin me kreret e partive aleate, i planifikuar per t'u zhvilluar diten e djeshme, pasdite. Kreu i mazhorances sqaroi se shtyrja e ketij takimi vinte vetem per shkak te axhendes se tij dhe jo si pasoje e kontradiktave me aleatet per reformen zgjedhore. Sipas Berishes, mes aleateve te tij ka shume ceshtje per t'u diskutuar per reformen, por jo se ka kontradikta per kete reforme, e cila per te eshte shume e rendesishme.
Por, nga ana tjeter, burime bejne te ditur se shtyrja e takimit te djeshem me aleatet ka ardhur per t'i lene kohe gjithsecilit prej tyre per te formuluar me qarte kerkesat ne lidhje me sistemin e ardhshem zgjedhor. Burimet bejne te ditur, se suksesi ose jo i tryezes se koalicionit te djathte varej ne menyre te drejtperdrejte nga menyra se si partite aleate do t'i formulonin kerkesat e tyre kundrejt PD-se per reformen zgjedhore. Mbledhja ne nje kohe te dyte e tryezes ka ardhur edhe per arsyen se Kryeministri Berisha do te zhvilloje ne ditet ne vazhdim takime te vecanta me aleatet e tij per te mesuar keshtu ne detaje pretendimet e tyre per reformen zgjedhore. Njohja paraprakisht me kerkesat e aleateve te tij ne qeveri do te ndihmoje ne mbarevajtjen e tryezes se perbashket, e cila do te formalizoje edhe kerkesat e perbashketa te mazhorances per reformen zgjedhore. Prej kohesh, kreret e partive te djathta kane kerkuar nga Kryeministri Berisha mbledhjen e nje tryeze te perbashket me kreret e ketyre partive, per te gjetur keshtu konsensus per reformen zgjedhore. Ne disa deklarata te tyre, kreret e partive te vogla te djathta kane hedhur akuza se Partia Demokratike me shume po komunikonte me socialistet per kete reforme sesa me partite e mazhorances. Keshtu, ne menyre te vazhdueshme, aleatet kane kerkuar mbledhjen e organizuar te tryezes se te djathtes, ndonese kane pasur takime informale me Kryeministrin Berisha, ku kane diskutuar edhe per ceshtje te vecanta te reformes zgjedhore. Nderkohe qe, me sa duket, dita e djeshme ka qene jo e perllogaritur si duhet, duke pasur parasysh axhenden e ngjeshur te Kryeministrit Berisha, i cili menjehere pas kthimit nga takimi me Partite Popullore ne Bruksel, ka festuar Diten e Veres ne Elbasan. Madje, vendosja e dates se tryezes per reformen zgjedhore nga ana e partive te vogla te djathta, aleate ne qeverisje, mesohet se eshte bere pa dijenine e Berishes, duke tentuar qe ta vendosin ate perpara faktit te kryer. Gje qe ka sjelle dhe shmangien e kreut te mazhorances nga ky takim, me argumentin e nje axhende te ngjeshur takimesh.
Berisha, takime dypaleshe me aleatet
Berisha ka vendosur te zhvilloje vetem takime dypaleshe me kreret aleate, deri ne formatimin e nje qendrimi te perbashket per reformen zgjedhore. Ndonese tryeza e koalicionit te djathte nuk eshte mbledhur akoma, perfaqesuesve te partive te djathta nuk i kane munguar bisedat me kreun e qeverise ne lidhje me reformen zgjedhore. Keshtu, kreu i PDK-se, Nard Ndoka, eshte shprehur publikisht se ka pasur takime informale me Berishen ne lidhje me reformen zgjedhore. Po keshtu, mesohet se biseda per kete reforme jane zhvilluar mes Berishes dhe kryetareve te tjere te partive te vogla aleate te PD-se. Te njejten gje e ka pohuar edhe vete Berisha gjate vizites se djeshme ne Elbasan. Keto biseda informale pritet te vazhdojne edhe ne ditet ne vazhdim, perpara se tryeza e partive te mazhorances te mblidhet ne menyre zyrtare. Por, takimet dypaleshe mes Berishes me perfaqesuesit aleate, pritet te zhvillohen ne javen e ardhshme dite pas dite, per te diskutuar me detaje te gjitha paqartesite per reformen zgjedhore, si dhe propozimin e PS.