Turi i Rames per protestat, PD, eshte atentat per median

Bisedat e Kryetarit te Partise Socialiste, Edi Rama, me median, u quajten dje nga selia blu si nje atentat i vertete ndaj shtypit. Zedhenesja e Partise Demokratike, Erla Mehilli, tha dje ne emer te partise se gjate ketyre diteve, Rama, apo piktori qe mburret se po nxin imazhin e vendit, ne nje akt te pashembullt ne historine e pluralizmit na shfaqi modelin e shtypit te presidiumit. “Keshtu Rama realizoi keto dite nje atentat te vertete ndaj lirise se shtypit. Perfaqesuesit e mediave qe i kontrollon 24 ore ne 24 i detyroi te zene vend ne presidium prane tij ne vend te eksponenteve te Partise Socialiste apo aleateve te tij, ndersa mediat e tjera, ne trajtimin e tij cinik i la ne plate duke iu dhene pergjigje me ngerdheshje te denja vetem per armiqte e fjales se lire”, u shpreh ajo. Ne emer te PD-se, Mehilli denoi kete qendrim te pashembullt, sic e quajti ajo te kreut te opozites, si diskriminim ekstrem i mediave. “PD gjithashtu u ben thirrje mediave te lira te mos pranojne “kutizmin”, per interesa te ngushta te nje njeriu qe mburret se po lyen me boje te zeze imazhin e vendit te tij. Fjala e lire, media e lire merr fund ne qofte se pranon te mbyllet ne senduqet apo kutite e Edvin Kristaq Rames dhe pasardhesve te tjere te bllokut”, vijoi ajo. Kritikat e selise blu, u bene ndaj tryezes se dyte qe kreu socialist, Edi Rama, zhvilloi dy dite me pare ne qytetin e Durresit, me median. Nga Durresi, Rama tha prere se nese dialogu tek tryeza e presidentit Topi, deshton, protestat e PS-se do te jene akoma me te medha.