Turqia do të minimizojë tensionet mes SHBA dhe Iranit

Ankara - Ministri i Jashtëm turk, Ali Babaxhan deklaroi pas takimit me sekretaren amerikane e Shtetit, Hillari Klinton dhe para nisjes drejt Teheranit, se Turqia po përpiqet të minimizojë tensionet me SHBA-së dhe Iranit. Turqia, e vetmja anëtare e NATO-s me popullsi kryesisht myslimane, është ofruar të kontribuojë në zgjidhjen e mosmarrëveshjeve me SHBA-në, aleate e saj, dhe fqinjit të saj Iranit në lidhje me programin bërthamor të Teheranit.

Kllinton deklaroi gjatë një interviste në një televizion turk se SHBA-ja do t'i kërkonte Turqisë të kontribuojë në progresin e planit të presidentit amerikan, Barak Obama për programin bërthamor të Iranit.

Babaxhan, i cili zhvilloi bisedime me Kllinton në Ankara, do të vizitojë Iranin gjatë zhvillimit të një takimi të Organizatës për Bashkëpunim Ekonomik, që do të drejtohet nga presidenti iranian, Mahmud Ahmadinexhad.