"Turqia, partner strategjik i Shqiperise"

Turqia eshte nje nga partneret strategjik te Shqiperise ne fushen politike dhe ate ekonomike. Ky ishte vleresimi qe beri diten e djeshme presidenti i Republikes, Bamir Topi gjate takimit me ambasadorin e ri te Turqise ne Shqiperi, Hasan Sevilir Asan. Gjate takimit ne presidence, presidenti Topi i shprehu mbeshtetjen e plote ambasadorit turk per realizimin e detyres se tij diplomatike ne Tirane me besimin se ajo do t'i kontribuoje zhvillimit te marredhenieve dhe bashkepunimit mes dy vendeve. Kreu i shtetit e informoi ambasadorin per zhvillimet e brendshme ne vend dhe arritjet e politikes sone te jashtme, duke vleresuar perkrahjen dhe ndihmen e madhe qe Turqia i ka dhene Shqiperise gjate gjithe procesit per anetaresimin e plote ne NATO. Nga ana tjeter presidenti theksoi rendesine e thellimit dhe zgjerimit te bashkepunimit ekonomik dypalesh ne fusha me rendesi prioritare per zhvillimin e vendit si ne ate energjetike, ne infrastrukture, turizem, telekomunikacion. Nga ana e tij, ambasadori Hasan Sevilir Asan vuri ne dukje pergjegjesine dhe angazhimin e tij, qe marredheniet mes Turqise e Shqiperise gjate mandatit diplomatik ne Tirane te njohin vetem ecuri progresive.