U merret ADN-ja 12 personave. Të moshuarat e Nartës: Agresori është i gjatë, por jo i fuqishëm

Ngjarja e Nartës po trazon opinionin publik. Të moshuarat pretendojnë se një maniak seksual po i përdhunon ato, por policia deri më tani e ka mohuar diçka të tillë.

Siç raporton GSH, policia ka arritur të marrë ADN-në e 12 burrave të fshatit Nartë për të bërë analizat.

Ndërkohë që moshuarat thonë se agresori është i gjatë, i dobët dhe jo shumë i fuqishëm.

Sipas tyre, ai duhet të jetë maniak pasi nuk u merr asgjë në banesa, ndërkohë që është i mirinformuar për faktin që gratë e moshuara jetojnë vetëm për shkak se fëmijët i kanë në emigracion.

Policia thotë se asnjë nga të përdhunuarat nuk e ka identifikuar në fytyrë agresorin, ndaj mendohet se ai mund të jetë një punëtor shëtitës.

Të moshuarat e kanë bërë të ditur skandalin para pak ditësh, pasi kishin heshtur për shkak të turpit./ep