UBT, shpallen 134 pedagoget e rinj
Rektorati i Universitetit te Tiranes ka shpallur emrat e 134 pedagogeve te ftuar, te cilet do te japin mesim ne kete universitet. Nder ta, verehen emra te personave te njohur ne fusha te ndryshme, duke filluar qe nga ministri i Arsimit Myqerem Tafaj, duke vazhduar me zv.ministrin e Bujqesise Ndoc Fasllia, e me shume te tjera. Vendimi eshte marre, duke pasur ne konsiderate propozimet e komisioneve te te gjithe fakulteteve, te ngritur per rekrutimin e personelit akademik te ftuar me kontrate te perkohshme per vitin akademik 2011-2012. keshtu, rektori Fatos Harizaj ka vendosur qe te te miratoje emrat e pedagogeve qe gjenden ne listen ne te djathte. Per kete kategori pedagogesh, do te zbatohet vendimi perkates per pagesen deri ne 150 ore dhe shperblimin e tyre. Pagesa do te behet vetem per ate semester, ne te cilin aktivizohet cdonjeri prej tyre. "Te gjithe personat, nen pergjegjesine juridike, te bejne deklarate ne zyren e finances, nese jane buxhetore ose jo, apo pensioniste, pasi ne varesi te saj behet pagesa", thuhet ne piken 4 te vendimit. Sipas ketij te fundit, te gjithe personat e miratuar do t'i nenshtrohen kontrates se perkohshme te punes me institucionin, dhe do te paraqesin lejet e qendres se punes, ku jane te punesuar. Vendimi hyn ne fuqi nga data e fillimit te vitit te ri akademik 2011-2012.