UNHCR: Greqia të mos të ndërtojë murin me Turqinë

Misioni i UNHCR-së në greqi, ka kritikuar planet e qeverisë greke për të ndërtuar një gardh mbrojtës 12. 5 km të gjatë dhe me lartësi 3.5 metra në kufirin e saj lindor me Turqinë, për të parandaluar kalimin e emmigrantëve të paligjshëm që kërkjnë të shkojnë për në vendet e Bashkimit Europian. Një rrethim me mur ndarës mes Greqisë dhe Turqisë nuk e zgjidh problemin e trafikut klandestin mes dy vendeve, prandaj është më mirë që të mos ndërmerret fare një nismë e tillë. Kështu ka deklaruar Organizata e Kombeve të Bashkuara, përmes agjencisë së saj për Refugjatët në Botë, UNHCR. Kjo e fundit ka mbajtur qëndrim negativ ndaj planit të Athinës zyrtare për të ndërtuar një mur ndarës me Turqinë në mënyrë që të parandalohet fluksi i klandestinëve në kufirin mes dy vendeve. Ka qenë një zëdhënës i agjencisë së OKB-së për Mbrojtjen e Refugjatëve se në sigurinë kufitare duhet të përfshihen edhe mekanizma që lejojnë njerëzit të kërkojnë azil. Ndërkaq, ministri grek i Mbrojtjes Civile, Kristos Papoutsis, e ka krahasuar këtë plan me rrethimin e ndërtuar përgjatë kufirit mes Meksikës dhe Shteteve të Bashkuara të Amerikës. Greqia dëshiron të shënojë kufijtë e vendit të saj me Turqinë me një gardh, në mënyrë që të parandalojë hyrjet e paligjshme të njerëzve në vendet e BE-së. Kufiri kombëtar i gjatë rreth 200 km, është bërë një portë kryesore për refugjatët, që në kohën kur u ashpërsua kontrolli i rrugëve detare. Më shumë se 80 për qind e emigrantëve ilegalë ndërkaq kalojnë përmes Greqisë për në vendet e Bashkimit Europian. Për këtë arsye, qeveria në Athinë dy muaj më parë kishte kërkuar mbështetjen e zyrës për mbrojtjen e kufirit të BE-së-Frontex. Mbi gardh do të vendosen edhe kamera termale dhe dedektorë për lëvizjen dhe zhurmat, në mënyrë që të zbulohen edhe ata që përpiqen për të kaluar kufirin grek gjatë natës.