UNICEF: 21 mijë fëmijë vdesin çdo ditë në botë

Çdo ditë në botë vdesin 21 mijë fëmijë për shkaqe që mund të parashikohen. Ndër këta, 8 milionë janë nën 5 vjeç.

Për të zhdukur vdekshmërinë foshnjore, UNICEF ka lançuar sot në Itali fushatën Duam të arrijmë tek numri zero, e cila mbështetet nga aktori i njohur Lino Banfi dhe gazetari Alberto Angela.

Sipas UNICEF-it, vdekjet e fëmijëve janë të papranueshme, pasi vijnë si pasojë e sëmundjeve që mund të parandalohen apo të kurohen me një kosto shumë të ulët. Pikërisht kjo është arsyeja pse vendet e varfra kanë numrin më të madh të vdekjeve.