Udhezimi, miratohen datat per vitin akademik

Viti i ri akademik per 22 mije studentet e rinj ne Universitetet, do te nise ne daten 13 tetor dhe do te perfundoje me 30 shtator te vitit te ardhshem. Ndersa per programet e studimit te ciklit te dyte, diploma te nivelit te dyte dhe per programet e studimit "Master i nivelit te pare" me kohe te plote, studimet do te fillojne ne daten 10 nentor 2008 dhe do te mbyllen me 30 shtator 2009. Ministri i Arsimit dhe Shkences, Fatos Beja, ka nxjerre udhezimin e fundit per strukturen e fillim vitit ne institucionet publike te Arsimit te Larte, si dhe masat per zbatimin e tij. Sipas rektorit te Universitetit te Tiranes, Dhori Kule, udhezimi i shperndare dje ne 11 universitetet publike te vendit, percakton dhe kohen e fillimit te programeve te ciklit te dyte si dhe te masterave. Kule tha se viti akademik per programet e studimit te ciklit te dyte, diploma te nivelit te dyte dhe per programet e studimit "Master i nivelit te pare "me kohe te plote, do te fillojne ne daten 10 nentor 2008 dhe do te mbyllen me 30 shtator 2009. "Te njejta afate jane vendosur edhe per studimet me kohe te pjesshme dhe ato ne distance", tha Kule. "Brenda dates 10 nentor, te gjitha fakultetet do te njohin studentet me pjeset e statutit qe percaktojne treguesit e programeve te studimit , rregulloren mesimore te fakulteteve dhe rregulloren e programit te studimit ne te cilin ata jane regjistruar", tregoi Kule, duke shtuar se kodet e studenteve te regjistruar ne forme elektronike do t'i dergohen MASH deri me 15 dhjetor. Sipas Kules, ndarja e grupeve mesimore per te gjitha nivelet e studimit dhe pergatitja e regjistrave do te mbyllen deri ne 10 tetor. "Brenda kesaj date do te miratohet edhe plani kalendarik i lendeve qe zhvillohen ne programet e studimit me kohe te plote, ndersa kalendari i lendeve ne programet me kohe te pjesshme do te perfundoje me 6 nentor", perfundoi Kule.