Ukrainë, Timoshenko e sëmurë në burg
“Janë shfaqur simptoma shqetësuese që nuk ngjajnë me asnjë sëmundje të njohur”, deklaroi avokati Juri Sukhov gjatë seancës ku mori pjesë Timoshenko, duke i kërkuar gjykatësit të autorizojë mjekun ta vizitojë klienten e tij.
Deputeti Aleksandër Turçinov, krahu i djathtë i opozitares, i cituar nga shërbimi i shtypit, u shpreh se gjendja shëndetësore e Timoshenkos është keqësuar papritur dje, në atë masë sa ajo “as nuk mund të dalë jashtë për shëtitje të shkurtra” në oborrin e burgut. “Për arsye që nuk dihen ende, njolla blu janë shfaqur në të gjithë trupin e saj”, shtoi ai.
Megjithatë, një gazetar i AFP-së i pranishëm në sallën e gjyqit nuk vuri re asgjë të pazakontë në pamjen e jashtme të opozitares, e veçuar prej shtypit nga policët.
Gjykatësi Rodion Kireev deklaroi se “kërkesa lidhur me mjekun do të shqyrtohet konform ligjit”, duke shkaktuar zemërimin e Timoshenkos.
Julia Timoshenko po gjykohet që prej 24 qershorit për tejkalim të të drejtave të kryeministrit në 2009 duke autorizuar, pa miratimin e qeverisë, nënshkrimin e kontratave për importin e gazit rus me një çmim shumë të lartë, pra të pafavorshëm për Kievin.
/Start/E.B/
2011-08-18 20:51
Deputeti Aleksandër Turçinov, krahu i djathtë i opozitares, i cituar nga shërbimi i shtypit, u shpreh se gjendja shëndetësore e Timoshenkos është keqësuar papritur dje, në atë masë sa ajo “as nuk mund të dalë jashtë për shëtitje të shkurtra” në oborrin e burgut. “Për arsye që nuk dihen ende, njolla blu janë shfaqur në të gjithë trupin e saj”, shtoi ai.
Megjithatë, një gazetar i AFP-së i pranishëm në sallën e gjyqit nuk vuri re asgjë të pazakontë në pamjen e jashtme të opozitares, e veçuar prej shtypit nga policët.
Gjykatësi Rodion Kireev deklaroi se “kërkesa lidhur me mjekun do të shqyrtohet konform ligjit”, duke shkaktuar zemërimin e Timoshenkos.
Julia Timoshenko po gjykohet që prej 24 qershorit për tejkalim të të drejtave të kryeministrit në 2009 duke autorizuar, pa miratimin e qeverisë, nënshkrimin e kontratave për importin e gazit rus me një çmim shumë të lartë, pra të pafavorshëm për Kievin.
/Start/E.B/
2011-08-18 20:51