Ukraine protesta per Timoshenkon

Qindra përkrahës të ish kryeministres ukrainase, Julia Timoshenko, u mblodhën para gjykatës në  Pechersky, në qendër të Kievit,  mëngjesin e sotëm, ndërsa dhjetra policë  rrethuan me barriera  metalike  sheshin para gjykatës.

Julia Timoshenko, një ndër zërat kryesorë të opozitës u ndalua një ditë më parë, një vendim i cili u pasua me përplasje të ashpra në rrugë, ndërmjet  mbështetësve dhe forcave të rendit. Gjykata vendosi për arrestimin e  saj nën  motiviacionin se  timoshenko "sistematikisht" prishte seancat  gjyqësore në procesin kundër saj.

Partia e Timoshenko u bëri thirrje përkrahësve për  organizimin e tubimeve masive e qindra vetë iu përgjigjën kësaj thirrjeje duke kaluar natën para gjykatës në Kiev. Dhjetëra  tenda u ngritën në rrugë, ndërsa opozita e sheh organizimin  më të fundit, si përpjekje për të mbrojtur demokracinë, ndërsa i kërkon gjykatës lirimin e mënjehershëm të  ikonës së revolucionit portokalli.

Të hënën në gjykatën e Kievit pritet të mbahet seanca  e rradhës kundër Timoshenkos. Akuzat e shpërdorimit të detyrës të ngritura kundër ish kryeministres  nga presidenti filorus, Viktor Janukoviç, kanë shkaktuar kritika nga Bashkimi Evropian. Edhe arrestimi i së premtes  u kritikua ashpër  nga shefja për politikën e jashtme e BE-së, Catherine Ashton dhe komisioneri për zgjerim,  Stefan Fule.

Delina Bitraku