SHBA bie besueshmeria ne kredimarrje

Për herë të parë në histori ka rënë shkalla e besueshmërisë për kredimarrje në  Shtetet e Bashkuara. Agjencia amerikane për vlerësimin e riskut, Standard & Poor, nuk e vlerësoi bonitetin e ekonomisë popullore më të madhe në botë me notën më të mirë AAA, por vetëm me AA+.

Në arsyetimin e agjencisë thuhet se masat e ndërmarra nga kongresi amerikan për deficitin gjigant shtetëror nuk janë të mjaftueshme për stabilizimin e gjendjes ekonomike. Shteti më i fuqishëm në botë renditët kështu poshtë  Gjermanisë, Francës apo Kanadasë  

Për administratën Obama  vendimi është marrë  duke kryer “gabime të rënda  dhe  themelore“. Ndërsa Rezerva Federale nxitoi të komentojë se në nivelin financiar nuk do  të ketë reperkusione, por gjithashtu u theksua se në analizën e S&P ka një gabim prej 2 mijë miliardë dollarësh.

Sipas S&P kjo ulje shoqërohet dhe me një perspektivë negative, çka do të thotë se  mund të ketë të tjera  rënie në shkallën e besueshmërisë dhe gjatë dy viteve në vijim .

 “I bëj apel presidentit të kërkojë dorëheqjen e  menjëhershme të sekretarit të thesarit Timothy Geithner”, deklaroi kandidateja republikane për  presidencialet 2012, Michele Bachmann,  ndërsa i kërkoi presidentit të  paraqesë një plan  ku jo vetëm të ketë  shkurtime të konsiderueshme të shpenzimeve por dhe të  hapen vende të reja  pune për amerikanët.

Pak orë pas  publikimit të analizës dhe Pekini nuk i ka kursyer kritikat për qeverinë në ëashington. Në një koment tejet të ashpër  të publikuar  nga  agjencia Nuova China  dënohet "miopia"  politike, e angazhuar vetëm në debate . ''Kina  kreditori më i madh i superfuqisë së vetme botërore ka të gjithë të drejtat  tu kërkojë shteteve të bashkuara zgjidhjen e problemeve të borxhit e  të garantojë  sigurinë e  aseteve  kineze të denominuara në dollarë” thuhet, ndër të tjera në komunikatën e Pekinit zyrtar.

Delina Bitraku