Ulja e çmimeve të fruta-perimeve, prodhim i lartë

Prodhime të shumta mbushin tregun e fruta-perimeve në kryeqytet duke ndikuar direkt në uljen e çmimeve dhe si pasojë edhe në uljen e inflacionit të produkteve të shportës ushqimore.
 

Tregtarët shprehen se prodhimet e vendit po tregtohen në minimumin e çmimit dhe pritet që edhe frutat të arrijnë në këtë nivel. Perimet të cilat kanë arritur minimumin e çmimit të mundshëm janë sallata ,trangujt dhe pas pak pritet të jenë edhe domatet.
 

Stina e pranverës dhe e verës shpesh janë sezone me shumë prodhime ,kur në të shumtën e rasteve, prodhimet mbeten stoqe dhe prishen. Ndërkohë, që në muajt e dimrit kemi një situatë krejt tjetër, pak prodhime dhe çmime shumë të larta pasi prodhimi ka kosto më të lartë dhe fermerët shqiptar nuk investojnë.