Universitetet, ja kandidatet per postet e reja

Luljeta Ndoka
Rektoret do te kthehen ne dekanet dhe keta te fundit do te tentojne marrjen e postit me te lakmueshem te universiteteve, ate te rektorit. Riciklimi i posteve ua jep kete te drejte autoriteteve aktuale drejtuese, te cilet duhet te japin sa me shpejt doreheqjen. I pari qe e ka zbatuar nje gje te tille eshte ish-rektori i Universitetit te Tiranes, Shezai Rrokaj. Gjate ceremonise se organizuar dje, ai nuk e perjashtoi mundesine qe te hedhe kandidaturen si dekan i Fakultetit te Historise dhe Filologjise. Ndersa per vendin qe ai ka mbajtur deri dje, do te kandidojne ish-vartesit e tij. Behet fjale per dekanin e Fakultetit Ekonomik, Dhori Kule, pedagogen e Historise, Valentina Duka dhe dekanin e Fakultetit te Shkencave te Natyres, Llukan Puka. Ndersa, edhe rektori i Universitetit Politeknik nuk e perjashton mundesine, qe te shpalle kandidaturen e tij per t'u bere dekan ne nje prej fakulteteve te Politeknikut.
Riciklimi i posteve do te coje ne nderrimin e pozicioneve. Ai qe deri dje mund te kete qene shefi, tashme do te behet vartesi. Ne fakt, keshtu pritet qe te ndodhe ne te gjitha universitetet e vendit, nese kandidatet qe deri tani kane qene drejtues, shpallen fitues. Gjate takimit te djeshem, me rastin e largimit nga posti te rektorit Rrokaj, pjesemarresit bene me dije se do te shpallin kandidaturen per t'i "zene" vendin, i cili ne fakt, duke filluar nga dita e djeshme, eshte i lire. Me konkretisht, per postin e rektorit te Universitetit te Tiranes kandidojne profesoret; Valentina Duka, Dhori Kule dhe Llukan Puka, ish-dekan dhe dekan. Ndersa rektori i deritanishem, Shezai Rrokaj, pritet te kandidoj per postin e dekanit te Fakultetit Histori-Filologji. Rektori i Universitetit Politeknik, Perparim Hoxha, nuk e perjashton mundesine qe te shpalle kandidaturen per njerin prej fakulteteve te ketij universiteti.
Gjate ceremonise se "lamtumires", ish-rektori Shezai Rrokaj ka folur me rezerva ne lidhje me nivelin e autonomise se universiteteve. "Ato nuk kane autonomine e duhur financiare, por jo vetem ate", u shpreh dje Rrokaj gjate takimit, te konceptuar si kokteil. Ai eshte shprehur, se drejtuesit e ardhshem te universiteteve duhet te "luftojne" per kete autonomi, qe do te rriste nivelin e universiteteve tona. Sado qe ligji i ri "Per arsimin e larte" nuk ua jep shume kete mundesi. Pjesemarresit, njekohesisht kandidate te mundshem per postet e reja drejtuese, jane shprehur se do te vazhdojne te japin kontributin e tyre per universitetet ku bejne pjese. Megjithate, kandidaturat zyrtare per postet drejtuese pritet qe te shpallen neser, per te gjitha vendet e rektorit, dekanit apo shefit te departamentit, qe do te mbeten bosh.
Kandidatet per dekane:
Shezai Rrokaj
Perparim Hoxha
Kandidatet per rektore
Dhori Kule
Llukan Puka
Valentina Duka