Komisionet e zgjedhjeve nisin punen

Zgjedhja e kryetarit te Komisionit Qendror te Zgjedhjeve ne universitete ka vijuar me ngritjen e komisioneve neper fakultete. Keshtu, ne baze te rregullores se zgjedhjeve, komisioni qendror vendoset prane rektoratit, ndersa komisionet e vogla ngrihen prane cdo fakulteti. Kandidatet per rektor dhe dekane duhet te nxitojne te regjistrohen, sepse rregullorja u le nje afat 6-ditor, duke nisur qe nga konstituimi i tij. Kjo do te thote se gjate kesaj jave kryhet regjistrimi i emrave te rinj, qe garojne per drejtues. Po keshtu, duhet te regjistrohen edhe kandidatet per shefa departamentesh ne cdo fakultete. Procesi i zgjedhjeve fillon me ngritjen e komisioneve zgjedhore, regjistrimin e kandidaturave, fushaten zgjedhore dhe aktin e votimit. Komisionin qendror te zgjedhjeve ne universitete do ta drejtoje profesori i Mjekesise, Enver Roshi, i zgjedhur nga 9 anetaret e KZQ se universiteteve.