Universitetet, shpallen 312 fituesit e rinj

Luljeta Ndoka
Shpallen fituesit e raundit te fundit per pranimet ne universitete. Ashtu sic ishte parashikuar, Ministria e Arsimit dhe e Shkences ka publikuar dje emrat e rinj te maturanteve qe pas regjistrimit do te marrin statusin e studentit. Keshtu, jane pergjithesisht nga 20 fitues per cdo dege. Me shume fitues jane shpallur ne degen e Administrim-Biznesit te Fakultetit Ekonomik, por ne filialin e Kukesit. Nga 100 vende qe Ministria e Arsimit dhe e Shkences u vuri ne dispozicion maturanteve, qe nuk kishin arritur te shpalleshin fitues, vetem 79 prej tyre kane preferuar qe te vazhdojne studimet atje. Megjithese nje pjese e tyre kane pohuar se kane bere nje zgjedhje te tille per shkak se nuk kane dashur te humbasin nje vit akademik. Ndersa ne Turizmin e Sarandes jane shpallur fitues plot 20 persona, edhe pse pak kohe me pare e refuzuan kete dege, per shkak te largesise se madhe gjeografike.

Edhe Universiteti Politeknik i Tiranes eshte treguar shume zemergjere, duke pritur plot 50 studente ne fazen e katert te pranimeve per ne Institucionet e Arsimit te Larte. Me pak fitues te kesaj faze, e cila mendohet qe te jete e fundit per vitin akademik 2007-2008, ka pasur ne Akademine e Arteve, ku jane pranuar vetem 4 studente ne deget e fakulteteve te saj. Ne degen Vreshtari dhe Enologji te Universitetit Bujqesor jane pranuar 30 studente, ndersa ne deget e fakulteteve te tjera, ka pasur gjithashtu mjaft te tille. Pas shpalljes se fituesve, pritet qe te vije faza tjeter e procesit te pranimeve, qe ka te beje me regjistrimin e fituesve. Ndoshta jemi pothuaj ne perfundimin e semestrit te pare, nje pjese e konsiderueshme e studenteve hyjne per here te pare ne auditore per kete vit.